Экология министрінің жаңа орынбасары тағайындалды

15.10.2021, 09:03 inform.kz

НҰР-СҰЛТАН. ҚазАқпарат - ҚР Үкіметінің қаулысымен Талғат Амангелдіұлы Момышев Қазақстан Республикасының Экология, геология және табиғи ресурстар вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды. Талғат Момышев 1968 жылы Ақмола облысында дүниеге келген. Жамбыл гидромелиоративтік-құрылыс институтын, Алматы экономика және статистика институтын тәмамдаған. Мамандығы бойынша біліктілігі: инженер-құрылысшы, бухгалтер-экономист. 1994-1996 жж. — қазақ-түрік бірлескен кәсіпорнының атқарушы директоры. 1997-1998 жж. — Жамбыл стандарттау және метрология орталығы директорының мемқадағалау жөніндегі орынбасары. Әр жылдары жеке компанияларда жұмыс істеді.