Танымал әнші Жарқынай Ханайым Өзбекстан шекарасында ұсталып қалды

16.10.2021, 19:19 oinet.kz

Танымал әнші Жарқынай Ханайым Өзбекстанға жұмыс бабымен барамын деп, шекарада ыңғайсыз жағдайға тап болды. Өнер иесін косметикасы үшін өткізбей қойған. Жарқынай Ханайым шекарада орын алған жағдайды өзінің Instagram парақшасында баяндады. Ашуға булыққан әнші өзін кінәсіз ұстап отырғанын жеткізді. "Қанша кісілер шөппен ұсталып жатыр көз алдымызда. Бізден бір косметика тауып алған еді, соған жібермей тұр. Енді таңға дейін күтесіңдер, дейді. Біздің қарнымыз аш. Ешқайда шығармай жатыр. Таможняға тамақ алып келетіндер бар ма?", - деп жағдайды түсіндірді Жарқынай. Белгілі болғандай, өнер иесі өзге елге жұмыс бабымен барған. Ақырында ол сапарластарымен бірге кедендік шекарада таңға дейін отырған. "