Елбасының жаңа музейінде қандай жәдігерлер бар

01.12.2021, 05:40 inform.kz

НҰР-СҰЛТАН. ҚазАқпарат – Жыл сайын елордада зәулім ғимараттар мен бірегей нысандар және түрлі музейлер бой көтеруде. Өткен жылы Есілдің сол жағалауында Тұңғыш Президент музейінің жаңа ғимараты ашылған болатын. Бүгінгі таңда музейді күніне мыңнан астам келуші тегін тамашалайды. Өскелең ұрпақ үшін бұл музей тәуелсіз Қазақстанның құрылу тарихымен танысып қана қоймай, өз дағдыларын жетілдіруге болатын сүйікті орынға айналды. ҚР Тұңғыш Президенті күніне орай, ҚазАқпарат тілшісі Елбасының жаңа музейі туралы деректерді ұсынады. Ғимараттың жобасын түрік сәулетшілері жасаған. Оның жалпы ауданы – 40 мың шаршы метр. Дизайнерлер ақ мәрмар тас пен мөлдір әйнекке басымдық беріп, жаңа технологиялық шешімд