Алматыда Әл-Фараби даңғылында жантүршігерлік жол апаты болды

20.05.2022, 11:05 almaty-akshamy.kz

Бұл туралы Алматы қаласы полиция департаментінің баспасөз қызметі хабарлады. Ведомствоның мәліметі бойынша түнгі сағат 23:45 шамасында шетелдік қымбат көліктің тізгінінде 21 жасар азамат болған, деп хабарлайды Almaty-akshamy.kz Ол рөлге ие бола алмай, бетон жиектасқа соғып, кейін өзге бір автокөлікке соғылған. Әрі қарай жарнамалық тақтаның металл тірегін жаншып екіге бөлініп қалған. Осы жол апатының салдарынан бір жолаушы оқиға орнында қаза тапты. Өзге төрт адам әртүрлі дене жарақатымен емдеу мекемелеріне жеткізілді.