«ОРТАЛЫҚ АЗИЯ – РЕСЕЙ» ПАРЛАМЕНТАРАЛЫҚ ФОРУМ ӨТТІ

20.05.2022, 09:00 petropavltv.kz

Түрікменстанда «Орталық Азия-Ресей» парламентаралық форумы өтті. Жиынға Түрікменстан, Ресей, Қырғызстан, Тәжікстан мен Өзбекстаннан парламент басшылары қатысты. Сенат төрағасы Қазақстандағы реформа туралы таныстырды. Конституциялық өзгеріс – мемлекеттік басқару жүйесінің тиімділігі мен ашықтығын арттыруға арналған,-деді Мәулен Әшімбаев. Жыл аяғына дейін 20-дан аса заң қабылдау көзделіп отыр. Сондай-ақ ол геосаяси ахуал шиеленісіп тұрған кезеңде парламентаралық ынтымақтың маңыздылығына тоқталды. Орталық Азияның бейбітшілік, тұрақтылық және өркендеу өңірі болуына бәрі мүдделі. Бірақ, Ауғанстандағы жағдай – есірткі трафигі, шекара маңындағы келеңсіздіктер, су ресурстарының шектеулігі мен экологияға байланысты бірқатар өзекті мәселе бар.