Әлеуметтік қызметкерлердің жалақысы қашан өседі – вице-министр жауабы

28.10.2022, 11:05 inform.kz

«Әлеуметтік қызметкерлердің жалақысы орта есеппен 220 мың теңге. Осыны ескере отырып, біз мына «Әлеуметтік кодекстің» аясында әлеуметтік қызметкерлердің статусын өзгертуді, көтеруді көздеп отырмыз. Сол заңнаманың аясында бірінші – мәртебесі көтеріледі, екінші – оларға қойылатын талаптар өзгереді, үшінші – олардың жалақы мәселесі қаралады. Ол үшін біздің министрлікте арнайы жұмыс тобы құрылған. Осы жылдың соңына дейін сол жұмыс тобы өзінің жалақы, мәртебе жайында ұсыныстарын береді. Сосын оның барлығы заңға енгізілетін болады», - деп мәлім етті Ербол Оспанов. Оның айтуынша, бүгінде Қазақстанда 12 мыңға жуық әлеуметтік қызметкер бар. Олар халықтың әртүрлі санаттарына өмір сүру сапасын жақсарту және күрделі өмірлік жағдайдан шығу үшін көмек көрсету мақсатында арнаулы әлеуметтік қызметтер көрсетеді. Аталған сала мамандарының 45 пайызы – аудан орталықтары мен қалаларда, 30 пайызы – облыс орталықтары мен республикалық маңызы бар қалаларда, 25 пайызы – ауыл округтерінде еңбек етеді. Фото: kiidu.com

Толық оқыңыз…