Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Атырау облысында төрт заманауи спорт кешені салынады

baq.kz

 Атырау облысында төрт заманауи спорт кешені салынады

Өткен жылы жергілікті бюджет қаражаты есебінен Атырау қаласының Химпоселек және Бірлік шағын аудандарында көпсалалы спорт кешендерінің құрылысы басталды. Биылғы сәуір айында нысандарды пайдалануға беру жоспарлануда. Спорт ғимараттарын салуға 620 миллион теңгеден астам қаржы бөлінді. Құрылыстардың жалпы ауданы - 10 926 шаршы метр. Кешендерде әкімшілік және медициналық блоктар, сондай-ақ спорт залы, дойбы мен шахмат ойнауға арналған кабинеттер, үстел теннисіне арналған зал болады. Құрманғазы ауданының орталығында ауылдағы жалғыз стадион қайта жаңғыртылып жатыр. Құрманғазы кентіндегі 2,14 га Орталық стадион 1985 жылы салынған. Стадионды күрделі жөндеу соңғы рет 2002 жылы жүргізілді. Содан бері нысанның тозығы жеткен. Құрылысы 2022 жылдың қарашасында басталған нысан жыл соңында тапсырылады деп күтілуде. Жобаның құны 961,7 млн. теңгені құрайды. Тағы бір спорт нысаны Қызылқоға ауданының Сағыз ауылында салынады. Спорт кешенінен басқа аумақта 100 көрерменге арналған трибуналары бар футбол стадионы бой көтереді. Сондай-ақ, онда спортшыларға арналған залдардан басқа, автотұрақ, жарықтандыру аумағы қарастырылған. Осы мақсатқа бюджеттен 547 млн. теңге бөлінді. Нысан ағымдағы жыл соңында пайдалануға беріледі деп күтілуде. Естеріңізге сала кетейік, бұл нысандар Атырау облысын дамытудың кешенді жоспары аясында салынуда.
  • Соңғы
Басқа жаңалықтар

Күнделікті жаңалықтар

Бүгін,
21 сәуір 2024