Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Дағыстанда Каспий теңізі жағалауынан тағы өлі итбалықтар табылды

azattyq.org

Дағыстанда Каспий теңізі жағалауынан тағы өлі итбалықтар табылды

Махачкала билігі Каспий жағалауынан тағы сегіз өлі итбалық табылғанын хабарлады.Қаңтар айында Каспий табиғатты қорғау орталығының мамандары Дағыстанда 50-ден астам өлі итбалық табылғанын хабарлаған. Оның алдында желтоқсанда 2500-ден астам итбалықтың қырылғаны белгілі болған. Дағыстан мемлекеттік университетіне қарасты экология және тұрақты даму институтының басшысы Әлимұрат Гажиев итбалықтардың қырылуын құс тұмауымен байланыстырған.Желтоқсанда "Росприроднадзор" мекемесі итбалықтар табиғи газдан уланып, қырылған болуы мүмкін деген болжам айтқан. Сол кезде өлген жануарлардың ағзасынан оттегі жетіспеушілік белгілері байқалғаны айтылды. Дәл осындай болжамды билік 2021 жылы республикада 170 итбалық өлген кезде де айтқан.2008 жылы Табиғатты қорғау жөніндегі халықаралық одақ Каспий итбалығына жоғалып бара жатқан жануар түрі статусын берген. Тәуелсіз экологтар итбалықтардың қырылуына антропогендік себептер бірінші кезекте, теңізге тазартылмаған канализация қалдықтарының төгілуі әсер етіп отырғанын айтады. Шенеуніктер бұған көз жұма қарап келеді. Бұған қоса, әскери жаттығулардың жиілегені де итбалықтар популяциясына кері әсер етіп отыр.Экологтардың мәліметінше, бұрын Каспий теңізінде миллионға жуық итбалық өмір сүрген, қазір 70-100 мыңнан аспайды.
  • Соңғы
Басқа жаңалықтар

Күнделікті жаңалықтар

Бүгін,
29 наурыз 2024