Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Михаил Саакашвилиді реанимацияға ауыстырғаны хабарланды

azattyq.org

Михаил Саакашвилиді реанимацияға ауыстырғаны хабарланды

Грузияның бұрынғы президенті Михаил Саакашвилиді денсаулығы нашарлауына байланысты реанимацияға ауыстырды, деп хабарлады сейсенбі күні саясаткердің баспасөз хатшысы Георгий Чаладзе.Дегенмен клиниканың директоры Нино Надирадзе ақпаратты растаған жоқ. "Саакашвилиді ауыстырған жоқ, ол палатада" деді ол Азаттықтың Грузин қызметіне.31 қаңтарда таңертең саясаткердің анасы Гиули Аласания түнде ұлының дене қызуы көтеріліп, есінен танып қалғанын айтқан.Бірнеше күн бұрын Михаил Саакашвилиден коронавирус табылған. Сол кезде клиника өкілдері аурудың жеңіл өтіп жатқанын айтып, оны реанимацияға ауыстырудың қажеті жоқ деп мәлімдеген."Мтавари" телеарнасының хабарлауынша, Саакашвилиге жасалған жаңа коронавирус тесті теріс нәтиже көрсеткен.Қаңтар басында Грузия мен 20-дан астам елде Саакашвилиді қолдау акциялары өткен. Жиналғандар саясаткерді босатуды және оған ЕО-да емделуге рұқсат беруге шақырған. Кейбір белсенділер қазіргі билікті Саакашвилиді өлтіріп тынбақшы деп айыптайды.Украина азаматтығы бар Грузияның бұрынғы президенті 2021 жылы күзде елге жасырын оралған соң қамауға алынған. Саакашвили шетелде жүрген кезде "билік өкілетін асыра пайдаланғаны үшін" сырттай 6 жылға бас бостандығынан айырылған. Қамауда отырған кезде оның денсаулығы нашарлап, Тбилиси азаматтық клиникасына ауыстырылған. Саясаткердің өзі мен жақтастары оның уланғанын айтқан. Алайда Грузия билігі оған дәлел жоғын алға тартады.Жақтастары Михаил Саакашвилиді саяси себеппен қудалап отыр деп есептейді.
  • Соңғы
Басқа жаңалықтар

Күнделікті жаңалықтар

Бүгін,
28 наурыз 2024