Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Тәжікстан мен Қырғызстан 2022 жылы бір-біріне оқу грантын ұсынбады

azattyq.org

Тәжікстан мен Қырғызстан 2022 жылы бір-біріне оқу грантын ұсынбады

Былтыр Тәжікстан мен Қырғызстанның жоғары оқу орындары бір-біріне білім гранттарын ұсынбады. Бұл туралы 2 ақпанда Тәжікстан білім және ғылым министрлігінде өткен баспасөз жиынында мәлім болды.Білім министрлігіне қарасты халықаралық бағдарламалар орталығының директоры Рамазон Одиназоданың айтуынша, 2022 жылға дейін білім гранттары жыл сайын үкіметаралық келісімге сай бөлінетін.Министрліктің мәліметінше, қазір Қырғызстанда Тәжікстанның 42 студенті ғана білім алып жүр, қалғандары Тәжікстандағы оқу орындарына ауысқан.Одиназоданың айтуынша, Тәжікстанда оқитын қырғыз студенттеріне "ешқандай кедергі жоқ". Дегенмен орталық директоры Тәжікстанның оқу орындарында көрші елдің қанша студенті оқитынын айтпады.Душанбе мен Бішкек Қырғызстан мен Тәжікстан студенттерін қашан қайта қабылдай бастайтыны әзірге белгісіз.2021 жылғы мамырда Қырғызстанда оқитын тәжік студенттері түрлі қиындыққа тап болды. Сол кезде Қырғызстан Тәжікстан азаматтары үшін шекараны жапқан. Бұған 2021 жылғы сәуірде шекарадағы қарулы қақтығыс себеп болды. Қарулы қақтығыстан екі жақтан да ондаған адам мерт болды.Содан кейін Тәжікстан мен Қырғызстан қарым-қатынасы күрт суып кетті. Қырғыз-тәжік шекарасындағы қақтығысқа шекарасы әлі белгіленбеген даулы аймақтар түрткі болады. Кейінгі уақытта екі тарап арасында жанжал жиілеп кетті. Былтыр қыркүйекте қырғыз-тәжік шекарасында болған ірі қақтығыстан екі жақты қосқанда 100-ден астам адам мерт болып, тағы жүздеген адам жараланған.Қырғыз-тәжік шекарасының жалпы ұзындығы – 970 шақырым. Қазірге дейін оның 519 шақырымына делимитация және демаркация жүргізілген.
  • Соңғы
Басқа жаңалықтар

Күнделікті жаңалықтар

Бүгін,
29 наурыз 2024