Өзбек азаматы АҚШ-тың Ресейге қарсы санкция тізіміне енді

03.02.2023, 06:34 azattyq.org

АҚШ қаржы министрлігі санкцияны айналып өтіп, Ресейдің әскери-өндіріс кешеніне көмектесіп жатқан 10 адамды және 12 компанияны "қара тізімге" енгізді. Олардың арасында Өзбекстан азаматы да бар."Ресейдің АҚШ санкциясын айналып өту үшін "қуыршақтарды" қолданып жатқаны – санкция ресейлік әскери-өндіріс кешеніне путиндік әскери көліктерді толтыру жағынан айтарлықтай қиындық туғызып жатқанын дәлелдейді" деп айтылған АҚШ-тың қаржы министрінің орынбасары Уолли Адейемоның баяндамасында.Мекеме мәліметіне қарағанда, "Зименков желісі" деген топты Израиль және Ресей азаматы Игорь Зименков басқарады. Оның отбасының бірқатар мүшесі санкцияға тап болған "Ростекс" және "Рособоронэкспорт" корпорацияларын қолдайды.Бұл желіде Кипрде тіркелген Mateas Limited компаниясының директоры, өзбекстандық Макс Борисович Пифлакс (Max Piflaks) пен оның ұлы Гилад Пифлакс бар. Сонымен бірге Гилад Пифлакс Израиль азаматы екені айтылады. 60 жастағы Макс Пифлакс пен оның ұлы санкциядағы ресейліктерге көмек берген израильдік DES Defense Engineering Solutions LTD компаниясымен жұмыс істеген.DES Defense Engineering Solutions LTD компаниясынан басқа санкция тізіміне Сингапурдан Asia Trading Construction, Латвиядан Elektrooptika SIA, Кипрден GBD LTD, GMI Global Manufacturing Integration LTD, Kliosa LTD, Mateas LTD, Pitaron LTD, Terra-AZ LTD, VFC Solutions LTD, Болгариядан U-Stone LTD EOOD және Израильден Texel FCG Technology LTD компаниялары енген.