Түріктер Шуда жаңа қант зауытын салатын болды

07.02.2023, 13:39 baq.kz

Айтуынша, ел аумағында жаңа қант зауытының құрылысын бастау жоспарланып отыр. Біз елімізде тағы бір қант зауытын ашу туралы мәселені ұзақ уақыт талқыладық. Инвестор да табылған сияқты. «Konya» түрік компаниясымен бірге Шуда зауыт бой көтереді. Қазір біз жобаны жан-жақты қарастырып жатырмыз. Қант саласын дамыту туралы бағдарлама 2025 жылға дейін отандық қант өндірісін 270 мың тоннаға дейін өсіруге мүмкіндік береді, - деп атап өтті ведомство басшысы Үкіметте өткен брифингте. Бұған дейін Премьер-министрдің орынбасары республикада бұдан былай қантпен проблема болмайды деп сендірген еді. Әрине, қанттың көп көлемі құрақ қанты болғанымен, былтыр бастан өткізген проблема болмайды, - деді Серік Жұманғарин. Еске сала кетейік, Ауыл шаруашылығы министрі Ербол Қарашөкеев өңірлердің жедел деректеріне сүйене отырып, биылға республика бойынша елде 1 млн тоннадан астам әлеуметтік маңызы бар тауар қоры барын айтты. Белгілі болғандай, әкімдіктер өткен жылдың күзінен бастап ағымдағы жылдың маусымаралық кезеңінде нарыққа реттеуші әсер ету үшін көкөніс қорларын қалыптастыру бойынша жұмыс жүргізіп жатыр.