Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Туған анасы қызын наркодиспансерге өткізіп жіберген

paryz.kz

Туған анасы қызын наркодиспансерге өткізіп жіберген

Жәбірленуші келіншектің айтуынша, сол күні түске қарай курьер тапсырыс берген әтірді пәтерге дейін жеткізіп береді де, кетіп қалды. Санаулы секундтан соң есіктің қоңырауы тағы шырылдайды. "Курьер бір нәрсені ұмытқан шығар деген оймен еш алаңсыз есікті ашсам дәу екі жігіт тұр екен. Мен олардан кім екенін сұрап, құжаттарын көрсетуді талап етіп едім, "Диана, шу шығармаңыз. Бізбен бірге жүріңіз" деді. Мен оларға: "Учаскелік полицияны алып келіңіз, содан кейін сөйлесеміз" десем, олар үйге баса-көктеп кіріп, менің ұялы телефонымды тартып алды. Өз үйлерінде жүргендей талтаңдап жүр. Менің жатын бөлмеме кіріп алды. Киімімді солардың көзінше ауыстырдым да бірге далаға шықтым. Содан кейін екеуі көлікке күштеп салды да, алып кетті", – деді Диана Сабазова. Кейін әлгі еңгезердей екі ер адам келіншекті Алматыдағы психикасында ауытқуы бар науқастарды емдейтін орталыққа апарған. "Алматыға жеткен кезде "Мақатаев 10 деген мекенжайға барасың да, анализ тапсырасың. Содан кейін шығасың" деді. Бір түсініспеушілік болған шығар. Қазір анализ тапсырып, үйге қайтамын деп ойладым. Бірақ мені жатқызып тастады, сол жерде заңсыз екпе салды. Қандай екпе салғандарын айтқан да жоқ. Сол екпе маған кері әсерін берді. Менің аузым құрғап, тамағымда бір түйін тұрғандай әсерде жүрдім", – дейді жәбірленуші. Диана Сабазованың айтуынша, оларға дәл осындай тапсырма берген адам – өзінің туған анасы. Ол мұндай сұмдық әрекетке ең жақын жанның қатысы бар екенін сол мекемедегі медбикеден естиді. "Сол сәтте менің үстіме су құйылғандай болды. Негізі менің пайымдауымша, туған анамның псхихикалық ауытқуы бар. Соңғы 4-5 жылда біздің мазамызды алып, әбден титықтатып жіберді. Отбасымыздың берекесін қашырды, барлығына тиіседі. Әкеме де арыз жазды. Кейін әкем менің үйімде тұрды. Негізі шу сол кезден басталған", – деді Алматы облысының тұрғыны. Жәбірленуші әйел сол наркологиялық диспансерде бір тәулік бойы жатқан. Дәл қазір Диана Сабазова өзін үйінен күштеп әкеткен екі жігітті және осы іске қатысы бар заңсыз әрекет жасағандарды жазалауды талап етіп отыр.
  • Соңғы
Басқа жаңалықтар

Күнделікті жаңалықтар

Бүгін,
24 маусым 2024