Мектеп оқушысы қаражорға билейтін робот құрастырды

25.03.2023, 13:47 almaty-akshamy.kz

Кентау қаласының оқушысы қаражорға билейтін роботты жасап шықты.

Қаражорға билейтін роботты Түркістан облысы, Кентау қаласындағы бесінші сынып оқушысы жасаған, деп хабарлайды Аlmaty-akshamy.kz «Хабар 24» сілтеме жасап.

Аружан Смайл есімді қыз бала Оқушылар сарайындағы робототехника үйірмесіне қатысады. Ол биші құлтемірін көпшілікке Наурыз мерекесінде көрсетті. Аружан жетекшісімен бірге дәстүрді насихаттайтын ерекше жоба жасағысы келіп, ойын осылай жүзеге асырыпты. Тәлімгері Ақниет Елемесованың айтуынша, алдағы уақытта «Арқан тарту», «Көкпар», «Теңге ілу» секілді қазақтың ұлттық ойындарын роботехникамен ұштастыру жоспарда бар.