Қызылорда ыстық сумен қамтамасыз етілмеген – Нәлібаев
Бұл – өзекті мәселе. Біздің өңір, оның ішінде бірден-бір облыстың орталығы ыстық сумен қамтамасыз етілмеген. Биыл 153 көпқабатты үйге ыстық су береміз. Оған облыстық бюджеттен тиісті қаражат бөлінді. Қалған 500-дің үстіндегі көпқабатты үйлерді ыстық сумен қамтамасыз етуге уақыт керек, - деді әкім.
Сондай-ақ Нұрлыбек Нәлібаев Қызылорда қаласын ыстық сумен қамту үшін жоба дайындалып жатқанын және ол жобаны жүзеге асыру үшін қанша қаражат керек екенін айтты.
Оған шамамен 20 миллиардтың үстінде қаражат керек. Ол – үлкен қаражат. Бұл мәселені біртіндеп шешетін боламыз. Оның үстіне қалада құны 215 миллиард теңгені құрайтын жаңа электр-жылу орталығы салынып жатыр. Ол 2025 жылы іске қосылады. Сол кезде жобамызды іске асырып, бірге қаланы ыстық сумен қамтамасыз етеміз деп жоспарлап отырмыз. Ол біздің үнемі бақылауымызда болады, - деді Нәлібаев.
Еске салайық, бұл ақпараттар Орталық коммуникациялар қызметі алаңында өткен Қызылорда облысының әлеуметтік-экономикалық дамуы туралы баспасөз конференциясында берілді.
- Соңғы
Күнделікті жаңалықтар
24 сәуір 2024
