Ресейдің Кемерово облысының бұрынғы губернаторы Амангелді Төлеев қайтыс болды

20.11.2023, 09:41 azattyq.org

Ресейдің Кемерово облысының бұрынғы губернаторы Амангелді Төлеев 79 жасында қайтыс болды. Мұны облыстың қазіргі басшысы Сергей Цивилёв хабарлады.Төлеев Кемерово облысын 20 жылдан астам басқарды. Бұл қызметке 1997 жылы Борис Ельциннің бұйрығымен тағайындалған. Кейін бірнеше мәрте сайланған. Сергей Цивилёв, Аман Төлеев Кузбассты "шахтёрлар Транссібір жолын жауып, рельсте отырғанда басқарып, дағдарыстан алып шықты" деп жазды.2018 жылы Кемерово облысында "Зимняя вишня" сауда орталығында өрт шығып, жаппай митингі басталған соң Төлеев мерзімінен бұрын қызметінен кеткен. Өрттен 60 адам өлген, оның 37-сі балалар.Отставкаға кеткен соң Төлеев Кемерово облыстық кеңесінің депутаты, кейін төрағасы болды. 2018 жылы Кузбасс кәсіптік білімді дамыту инситиутының ректоры болды.Екі рет Ресей президенті сайлауына кандидат ретінде қатысқан. Ресейдегі елеулі саяси оқиғаларға белсенді араласқандығымен танылған. Қазақстанға бірнеше рет келіп кеткен.