Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Қуандық Бишімбаев судьяға телефонының құпиясөзін айтуға келіспеді

kz.kursiv.media

Қуандық Бишімбаев судьяға телефонының құпиясөзін айтуға келіспеді

Астана сотында экс-министр Қуандық Бишімбев пен оның туысы Бақытжан Байжановқа қатысты қылмыстық іс жалғасып жатыр. 18 сәуірдегі сот отырысында сотталушы Бақытжан Байжановтың ұялы телефонындағы деректер тексерілді. Содан кейін Бишімбаевтың телефонын зерттеу жоспарланған. Алайда Бишімбаев телефонының құпиясөзін тек өз қорғаушысына айтатынын жеткізді.

«Телефоныңыздың құпиясөзін қандай мақсатта бергіңіз келмейді?», – деп сұрады судья Айжан Құлбаева.

Қуандық Бишімбаев құпиясөзді тек өз қорғаушысына беруге дайын екенін айтып, мұны телефонында іске қатысы жоқ деректердің бар екенімен түсіндірді.

Публикация от Курсив (@kursiv.media.kz)

Судья телефондағы деректердің тағылған айыпқа қатысты тұсы ғана зерттелетінін айтқанымен, сотталушы пікірін өзгертпеді.

«Сот процесі барысында телефоныңыздың құпиясөзін беретініңізді, Салтанат екеуіңіздің әңгімеңізді бәрі көретінін, бұл қылмыстық құқық бұзушылықты жасамағаныңызды бірнеше айттыңыз. Енді осы әрекетіңізге қарап ұстанымыңыз өзгеріп, судьяға телефоныңыздағы деректерді көруге рұқсат бермей отырсыз ба?», – деп нақтылады судья Құлбаева.

«Жоқ, мен құпиясөзді тек қорғаушыма айтамын, ол телефонды ашқан соң, ішіндегі деректерді қарай аласыз», – деп жауап берді Бишімбаев.

Алайда судья Құлбаева тараптардың пікірін тыңдай келе, құпиясөз судьяға хабарлануға тиіс екенін және оның қылмыстық іс материалдарына қосылатынын айтты. Сотталушының телефонның құпиясөзін беруден бас тартқанына байланысты сот тергеуінің келесі кезеңіне өтетінін жеткізді.

17 сәуірдегі сот отырысында қылмыстық іс бойынша куәгер – марқұм Салтанат Нүкенованың құрбысы Аида Ахмедина екінші рет қатысты.

Бұған дейінгі сот отырысында Ахмедина мен марқұм Нүкенова арасындағы хаттар оқылған еді. Алайда Бишімбаевтың адвокаттары екеуара әңгімені іс материалдарына қоспауды сұрады. Әңгіменің қолдан «жасалмағанын» растау үшін мемлекеттік айыптаушылар куәгерді тағы бір рет сот залына шақырған.

Нүкенова құрбысына жазған хаттарында Қуандық Бишімбаевтың әрекеті мен психологиялық жағдайы туралы айтқан.

Келесі сот отырысы 22 сәуір сағат 10:00-де өтеді.

  • Соңғы
Басқа жаңалықтар

Күнделікті жаңалықтар

Бүгін,
19 мамыр 2024