Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Су тасқынынан кейін санитарлық жағдай нашарламау үшін қандай шаралар атқарылады - Денсаулық сақтау министрлігі жауап берді

kz.kursiv.media

Су тасқынынан кейін санитарлық жағдай нашарламау үшін қандай шаралар атқарылады - Денсаулық сақтау министрлігі жауап берді

Денсаулық сақтау министрлігі «Курсивке» су тасқынынан кейін өңірлердегі санитарлық эпидемиологиялық жағдайдың күрт нашарлауын болдырмау үшін не істеу қажеттігін айтып берді.

Министрліктің хабарлауынша, су тасқыны аймағында халық арасында инфекциялық аурулардың таралуының алдын алу және Қазақстан Республикасының аумағында санитариялық-эпидемиологиялық саламаттылықты қамтамасыз ету мақсатында Қазақстан Республикасының Бас мемлекеттік санитариялық дәрігерінің 2024 жылғы 4 сәуірде № 3 «Су тасқыны кезеңінде санитариялық-профилактикалық іс-шараларды күшейту туралы» қаулысы қабылданған.

Қаулыға сәйкес, су тасқынына байланысты елдімекендерге жиналып қалған қоқыс қалдықтарын жергілікті атқарушы органдар тазалауы керек.

«Қаулыда жергілікті атқарушы органдарға су тасқыны жағдайын тұрақтандыру кезінде арнайы бөлінген учаскелерде жиналған қалдықтарды кәдеге жарата отырып, елдімекендердің аумақтарын – жеке үй иеліктері, тұрмыстық қатты қалдықтар полигондары, зираттар, контейнерлік алаңдар және басқа да объектілерді санитариялық тазалауды қамтамасыз ету ұсынылған»,- делінген министрлік жауабында.

Министрлік жергілікті әкімдік осы талаптарды дұрыс орындаған жағдайда тұрғындардың денсаулығына қауіп төнбейтінін жеткізді.

Сонымен бірге өңірлердегі эпидемиологиялық жағдайды бақылау мақсатында әрі өңірдегі эвакуациялық пункттерде адамдардың денсаулығы медицилық бақылауға алынғаны айтылған. Министрлік су тасқыны жағдайы тұрақтанғаннан кейін де үйіне оралған тұрғындарға медициналық бақылау жүргізіліп, азаматтардың қажет жағдайда тұрғылықты мекен-жайы бойынша тиісті медициналық көмекке жүгіне алатынын хабарлайды.

Сонымен бірге су басқан өңір халқына Денсаулық министрлігі су тиген азық-түлікті пайдалануға болмайтынын ескертеді.

«Тасқын су тиген азық-түліктерді пайдалануға қатаң түрде тиым салынады жәнетұрмыстық заттарды дезинфекциялық құралдармен залалсыздандырғаннан кейін пайдаланған дұрыс болады»,- делінген министрліктің «Курсивке» берген жауабында.

ЖАО санитариялық қағидалар мен гигиеналық нормативтердің талаптарын сақтай отырып, су бамқан елдімекендерде су құбыры жүйелері мен құрылыстарын, орталықтандырылмаған сумен жабдықтау жүйелерін тазалау және дезинфекциялау, !септиктер мен аула қондырғыларын дезинфекциялауды және жиналған қалдықтарды арнайы бөлінген учаскелерде жою арқылы елді мекендердегі аумақты санитариялық тазартуды қамтамасыз етуі керек.

Жергілікті атқарушы органдар су тасқынына кейін жиналған қалдықтармен қатар елді мекендердегі зираттар мен ауыл маңына санитариялық тазарту жүргізіп, тұрғындардың жануарлардың өлекселерімен байланысуына жол бермеуі керек. Өлі жануарлар денесін алшақтау орындарға апарып көму ұсынылған.

Сонымен бірге біз су тасқынынан кейін елдімекендердегі экологиялық жағдайды қалпына келтіру шаралары жөнінде Экология министрлігіне де сауал жолдағанбыз. Министрлік елдегі экологиялық жағдайды қалпына келтіру шараларын да жүзеге асыру жергілікті әкімдіктерге жүктелгенін хабарлады.

Министрлік хабарлауынша, су басқан аумақтардың флорасы мен фаунасын қалпына келтіру жұмыстарын жүргізу қажет. Министрліктің Орман шаруашылығы және жануарлар дүниесі комитеті Ботаника және фитоинтродукция институтының мамандарының айтуынша, қазіргі уақытта су басқан аймақтардағы барлық ағаш өсімдіктері негізінен өздерінің вегетациялық кезеңін әлі бастамаған. Осыған байланысты, судың өтуі және уақытша су тасқыны өсімдіктерге қатты зиянкелтірмейді деп болжайды мамандар.

«Жалғыз ескерту судың төгілуі кезінде, 2-3 апта немесе одан да көп үлкен көлдердіңпайда болуы немесе ойпаттарда судың тоқырауы, осы аймақта өсетін бұталардың өлуіне, ал шамамен бір ай ішінде ағаштардың өлуіне әкелуі мүмкін немесе қатты зақым келтіру мүмкін»,- деп хабарлайды министрлік.

Өсімдіктерді сақтау үшін бау-бақшалар мен жасыл алқаптардан үлкен су кеткеннен кейін шұғыл түрде қалдық судан тазарту керек. Топырақ аздап құрғаған кезде, топырақты аэрациялау үшін қоқыстардан тазалап, топырақта тығыз қабықтың пайда болуына жол бермеу керек. Сондай-ақ, «Өсімдіктер дүниесі туралы» ҚР заңына сәйкес елді мекендердің жалпыға ортақ пайдаланылатын жерлерінде орналасқан жасыл екпелерді түгендеу, күтіп-баптау және қалпына келтіру жұмыстарын жергіліктіатқарушы органдар жүзеге асыруы керек.

  • Соңғы
Басқа жаңалықтар

Күнделікті жаңалықтар

Бүгін,
19 мамыр 2024