Көшеде мас күйде жүрген прокурор қызметінен кетті
Батыс Қазақстанда табиғатты қорғау прокуроры Абылай Бисқалиев әлеуметтік желіде тараған даулы видеодан кейін жұмысынан кетті. 5 қыркүйекте БҚО прокурорының орынбасары Азамат Сәтбаевтың әлеуметтік желілерде жарияланған видеосынан кейін жүргізілген қызметтік тергеу нәтижелері жарияланған. Ол бейнеде табиғат қорғайтын прокурор мас болып, көшеде әрең теңселіп жүреді. Ал медициналық куәландыру кезінде Бисқалиев сау болған. «Бисқалиев мемлекеттік қызметшілердің моральдық-этикалық келбетіне қойылатын жоғары талаптарды түсініп, басшылықтың атына атқарып отырған лауазымынан босату туралы баянатпен жүгінді. 20 тамызда ол БҚО мамандандырылған табиғат қорғау прокуроры қызметінен босатылды», – деді Сәтбаев. 13 тамызда Қазнетте облыстың табиғат қорғау прокуроры Абылай Бисқалиев мас күйінде қала көшелерімен теңселе жүрген бейнесі тараған еді. Осыдан кейін прокурордың үстінен қызметтік тергеу басталған. 2018 жылғы 23 ақпанда Абылай Бисқалиев Батыс Қазақстан облысы Ақжайық ауданының прокуроры болып тағайындалған.
- Соңғы
Күнделікті жаңалықтар
16 қыркүйек 2024
