Қазақстан мен Марокко арасында визасыз режим енгізілді

18.02.2025, 11:28 ktk.kz

Келісім Тараптардың бірі мемлекетінің азаматтары жарамды ұлттық/жалпы азаматтық паспорттар негізінде екінші Тарап мемлекетінің аумағына келу, кету, транзит, уақытша болу үшін визалық талаптардан босатылуын көздейді, бұл ретте әрбір болу кезеңінің ұзақтығы олар келген күннен бастап 180 күн ішінде күнтізбелік 30 күннен аспауы тиіс.

Төлқұжаттар жарамдылық мерзімі аяқталғанға дейін кемінде үш ай бойы жарамды болуы керек.

Бұл ретте іскерлік мақсатта, жұмысқа орналасу немесе оқу мақсатында екінші Тарап мемлекетінің аумағына күнтізбелік 30 күннен артық келуге және қалуға ниет білдірген Тараптардың бірі мемлекетінің азаматтары екінші Тарап мемлекетінің дипломатиялық өкілдіктерінен немесе консулдық мекемелерінен тиісті виза алуға тиіс.

Келісім оның күшіне енуі үшін қажетті мемлекетішілік рәсімдерді Тараптардың орындағаны туралы соңғы жазбаша хабарламаны дипломатиялық арналар арқылы алған күннен бастап күнтізбелік 30 күн өткен соң күшіне енеді.

ҚР СІМ келісімді бекіту Қазақстан мен Марокко арасындағы қарым-қатынасты нығайтуға және Ұлттық/жалпы азаматтық паспорттардың иелері үшін визасыз тәртіп орнатуға мүмкіндік беретінін түсіндірді.

Қаулы 2025 жылғы 13 ақпаннан бастап қолданысқа енгізілді.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!