Үкімет коммуналды қызмет ақысын қашан көтеретіні мәлім болды
Үкімет 2026 жылғы бірінші тоқсанның аяғына дейін коммуналды тарифтерді өсіруді тоқтатады. Премьер-министрдің орынбасары, ұлттық экономика министрі Серік Жұманғарин осылай деді.
Вице-премьер үкіметтің 19 қарашадағы отырысында халықтың әл-ауқатын арттыру жөніндегі үш жылдық бағдарламасы туралы баяндама жасады. Онда коммуналдық тарифтер туралы да сөз болды.
«2026 жылғы бірінші тоқсанның аяғына дейін барлық тұтынушылар топтары үшін коммуналды тарифтердің өсуі тоқтатылды», – деді Жұманғарин.
Министрдің айтуынша, тарифтерді көтеруге мораторий жарияланған уақытта табиғи монополия субъектілерін кешенді тексеру жүргізіледі.
Дегенмен мұндай мораторий көпке созылмайтыны мәлім болып отыр.
«2026 жылғы екінші тоқсаннан бастап тарифтерді көтеру инфляцияны ескере отырып жүзеге асырылады», – дейді вице-премьер.
Бұған дейін Табиғи монополияларды реттеу комитеті Қазақстандағы коммуналды қызметтер құны Еуропа елдерінен әлдеқайда арзан деп мәлімдеген. Оның алдында Жұманғарин үкімет реформаларының уақытша тоқтатылғанын «әлеуметтік толқу қаупімен» түсіндірген.
- Соңғы
- Желтоқсан, 04
-
-
- Желтоқсан, 03
-
-
-
- Желтоқсан, 02
-
-
-
- Желтоқсан, 01
-
-
- Қараша, 28
-
-
-
- Қараша, 27
-
-
-
- Қараша, 26
-
-
Күнделікті жаңалықтар
7 желтоқсан 2025
