Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

"Мыңдаған еуро көлемінде ақша алған" Жәнібекті шетел асырып жіберген кім?

newsroom.kz

Мыңдаған еуро көлемінде ақша алған Жәнібекті шетел асырып жіберген кім?

Танымал тележүргізуші Қымбат Досжан "1001 түн" бағдарламасында сонау Испаниядан өзінің туған анасын іздеп келген Жәнібекті кезінде шетел асырып жібергендердің ісіне қынжылды, деп хабарлайды newsroom.kz порталы inbusiness.kz сайтына сілтеме жасап.

"Мен өткен сұхбатымда да айттым. Әйел адам Жәнібек үшін деп бельгиялық азаматшадан өте үлкен мыңдаған еуро көлемінде ақша алған. Келісіммен кәдімгідей қолынан санап тұрып алған. Ол әйел адам екенін, оның сол кезде жас келіншек болғанын, оның отбасы барын, оның қазір жасы нешеде және қай жерде жұмыс істейтінін бәрін білемін. Қазір полиция ол кісімен де айналысып жатыр. Біз ана дейміздағы, оларға сөз арнаймыз. Ал баламыздың шетел асуына, заңсыз түрде кетуіне тағы да аналардың себі тиіп отыр. Қазір Арқалық перзентханасында сол кезде жұмыс істегендер қазір де қызмет етіп жатыр. Тіпті зейнеткерлікке шықса да әлі сол кәсіби жұмыстарымен айналысып жатыр. Олардың барлығы сонша жыл өтті, бізден не сұрайсың деген сияқты, бізді тезірек кетіңдерші деген секілді шығарып салды. Бірақ Заң бар және сол кезде қылмыс жасалған болса, оған жауап берілу керек.

Ол қолдың бес саусағындай бес-алты адамның қатысуымен жасалған дүние. Біз бір ғана Жәнібектің тағдырын айтып отырмыз. Бұл бала егер, бізден кеткенде Еуропада керемет отбасыға түсіп, әкесі бар, шешесі бар, солардың махаббатына бөленген, солардың мейіріміне сусындаған, қандай ойыншықпен ойнаймын, қандай білім алғым келеді деген секілді өссе, арманы жоқ қой деп айтушы едік. Бірақ олай болмай шықты ғой. Бұл баланы о баста кімге берген, жалғызлықты, депрессияға жиі ұшырайтын әйелге берген. Жәнібекті тағдырлы бала деп айтатыным сол. Бұл бала бізден кетті, екі жылдан соң тағы балалар интернатына түсті. Сондықтан ғой айтып отырғаным, аналар сүйе де алады, құша да алады. Бірақ ақша үшін, басқа үшін баланы шекара асырып та жібере алады. Осының бәрін жасайтын әйел...", – дейді Қымбат Досжан.

  • Соңғы
Басқа жаңалықтар

Күнделікті жаңалықтар

Бүгін,
24 сәуір 2024