16 жастағы қазақстандық опера әншісі Американы бағындыруын жалғастыруда

15.11.2024, 14:13 ktk.kz

Ол соңғы үш жылда орындаушыларды тек академиялық вокалдық бөлімдері бағалайтын Америкадағы ұлттық байқаулардан 10-нан астам жүлдені жеңіп алды.

«Бұл жолы мен үш шығарманы орындадым: Нұрғиса Тілендиевтің «Ақ шағала», Иоганн Штраустың «Mein Herr Marquis» («Die Fledermause»), Эми Бичтің «I send my heart up to you». Әрине, бұл қиын және толқынысқа толы болды. Өйткені бұл ұстазымның еңбегі үшін, мен білім алатын және мені ұсынған, оның атынан шығуға рұқсат берген мектептің сенімі үшін, жалпы барлығының алдындағы жауапкершілік болып табылады. Мен қазір келесі жылы мамыр айында Чикагода өтетін CS Vocal Competition-ға дайындалу үстіндемін», – деді әнші қыз.

Аделина Мухаметжанованың Америка Құрама Штаттарындағы мансабы 2019 жылы әйгілі Карнеги Холл сахнасында өнер көрсетіп, айтулы American Protege байқауының жеңімпазы атанған кезінде басталды. Содан бері жас өнерпаз Миннесота штатына грантпен оқуға түсіп, білім алып, талантын ұштап, үнемі музыкалық жарыстарда топ жарып келеді. Сонымен қатар, ол жас вокалистерге арналған Juilliard School of Arts беделі мықты жазғы бағдарламасына сәтті өтіп, жиырма финалистің қатарынан табылып, оқуға стипендия алған үш халықаралық студенттің бірі болды.

Сонымен қатар, Аделина жақында өз мектебіндегі қатарластарының өкілі, драма үйірмесінің вице-президенті болды. Мектептегі мюзиклдерге қатысады. Осылайша ол көшбасшылық дағдыларын белсенді түрде дамытуда.

Аделина Мұхаметжанованың академиялық вокал бойынша білім алғанына 7 жылдан асты.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!