Теннисші Михаил Кукушкин Гаррос турнирінің екінші айналымында сүрінді

30.09.2020, 19:23 aikyn.kz

Қазақстандық Михаил Кукушкин Ролан Гаррос турнирінде жарыс жолынан шығып қалды. Әлемнің 88-ракеткасы М.Кукушкин екінші айналымда рейтингте 105-орында тұрған испаниялық Педро Мартинес Портеромен кездесті. Бүгін қазақстандық теннисшінің ойыны мүлдем жүрмеді деуге болады. Алғашқы екі партияда 3:6, 1:6 есебімен есе жіберсе, соңғысында тіпті бірде-бір геймге қол жеткізе алмады – 0:6. Бәсеке 1 сағат 39 минутқа созылды. Испаниялық теннисші үшінші айналымда әлемнің 213-ракеткасы Себастьян Кордамен кортқа шығады. Ол отандасы, рейтингте 23-орында тұрған Джон Изнерді 6:4, 6:4, 2:6, 6:4 есебімен ұтып кетті.