Елдос Сметов Токио Олимпиадасының қола жүлдесіне таласады

24.07.2021, 14:25 24.kz

Токио Олимпиадасында дзюдодан жартылай финал жекпе-жектері жалғасуда, деп хабарлайды «Хабар 24».Өкінішке қарай, қазақстандық Елдос Сметов қарсыласына қосымша уақытта есе жіберді.60 келі салмақта белдескен Елдос Сметов жартылай финалда үш дүркін әлем чемпионы, жапониялық Наохиса Такатомен кездескен болатын. Тартысты кездесу шамамен он минутқа созылды. Өйткені, балуандар кездесудің негізгі уақытында жеңімпазды анықтай алған жоқ. «Golden Score» кезеңінде Елдос бар күшін салғанымен, қарсыласы «ваззари» ұпайын еншілеп, финалға өтті.