Конор Макгрегор мүгедек арбасында жекпе-жекке шықпақ

02.08.2021, 07:52 turkystan.kz

UFC-дің бұрынғы чемпионы Конор Макгрегор мүгедек арбасында ирландиялық пародист Эль Форанмен жекпе-жек өткізбек. 11 қыркүйек күні арбаға таңылған мүгедек сықақшы Стиво Тимоти Ирландияда бокс кешін ұйымдастырады, – деп жазды Sports.kz. Кештің негізгі айқасында Стиво Тимотидің өзі өнер көрсетеді, тағы бір маңызды жекпе-жек Форан мен Макгрегор арасында болмақ. Айқас стандартты бокс ережесіне сай өтеді. Кештен түсетін барлық қаражат Ирландияның арбаға таңылған мүгедектер ұйымына табысталады.