Қазақстандық футболшы Руслан Валиуллин допинг дауына ұшырады

09.09.2021, 14:34 ktk.kz

УЕФА «Тобыл» футбол клубының футболшысы Руслан Валиуллинге допингке қарсы ережені бұзды деген айып тақты. Отандық футболдағы допинг дауына қатысты мәліметті Қазақстан футбол федерациясы растады. «Руслан Валиуллин ұшыраған допинг дауының Қазақстан футбол құрамасына қатысы жоқ, ол «Тобылдың» ойыншысы және оқиға Украинамен ойынға дейін болған. Одан әрі қалай болатыны әзірге белгісіз, УЕФА-ның шешімін күтеміз. Мүмкін бір ай, мүмкін одан да көп», - деді Қазақстан футбол федерациясы баспасөз қызметінің жетекшісі Ермұхамед Мәулен.