Ауыр атлетіміз Айзада Муптилда Ислам ойындарының чемпионы атанды

alashainasy.kz

Ауыр атлетіміз Айзада Муптилда Ислам ойындарының чемпионы атанды

Әйелдер арасында +87 келіде сынға түскен Айзада Мүптілдә Ислам ойындарының жеңімпазы атанды.

Қазақстандық ауыр атлет Айзада Муптилда Түркияның Конья қаласында өтіп жатқан Ислам ынтымақтастығы ойындарының чемпионы атанды, деп хабарлайды ҚазАқпарат тілшісі.

А.Муптилда +87 келі салмақта серпе көтеруден 116 кг, жұлқа көтеруден 150 келі көрсеткішпен Ислам ойындарының рекордын орнатты. Қоссайыс қорытындысы бойынша 266 келіні бағындырған Айзада алдына жан салмай, чемпиондық тұғырға көтерілді.

Тағы бір қазақстандық Любовь Ковальчук дәл осы салмақта серпе көтеруден 114 кг, жұлқа көтеруден 147 кг, жалпы есепте 261 келімен күміс жүлдеге ие болды.

Осылайша, А.Муптилда үш алтын, Л.Ковальчук үш күміс медальді еншіледі.

«Спортты дамыту дирекциясы» РМҚК-ның мәліметіне сәйкес, ауыр атлеттер Қазақстан құрамасы қоржынына 8 алтын, 15 күміс, 3 қола жүлде салды.

Еске сала кетейік, бұдан бұрын Исламиада ойындарында Қазақстанның тағы екі алтын медаль алғанын жазған болатынбыз.

Тектес:

  • Соңғы
Басқа жаңалықтар

Күнделікті жаңалықтар

Бүгін,
30 қыркүйек 2022