Қазақтан шыққан тұңғыш Олимпиада чемпионы көз жұмды

04.12.2022, 15:24 almaty-akshamy.kz

Қазақтан шыққан тұңғыш Олимпиада жүлдегері, баскетболдан аты аңызға айналған КСРО ұлттық құрамасының мүшесі Әлжан Жармұхамедов өмірден озды. Бұл туралы ЦСКА баскетбол клубының ресми сайтында жарияланды, деп хабарлайды Almaty-akshamy.kz Inbusiness.kz-ке сілтеме жасап. – Бүгін ЦСКА мен ұлттық құраманың тамаша ойыншысы Әлжан Жармұхамедов дүниеден өтті. Аты аңызға айналған "Түркістан жыланы" небәрі 78 жаста еді, – делінген хабарламада. Әлжан Мүсірбекұлы Жармұхамедов – қазақтан шыққан тұңғыш Олимпиада чемпионы, 9 дүркін КСРО чемпионы (1970-1978 жж, 1980 ж.), КСРО құрамасының сапында үш мәрте Еуропа чемпионы (1967, 1971, 1979 жж.). Ол 1972 жылы Мюнхенде Олимпиада чемпионы атанды.