Қуат Хамитов өзбек қарсыласын "қылқындырып" тастады

17.03.2023, 11:12 alashainasy.kz

Қазақстандық файтер Қуат Хамитов (25-7-2) Mergen FC 4 турнирінде жекпе-жек өткізді, деп хабарлайды Vesti.kz. Қазақ спортшының қарсыласы өзбекстандық Бобур Абдулазизов (12-9) болды. Қуат бірінші раундтан бастап басымдығын көрестті - қылқындыру әдісіне салып, соққы сериясын жасады. Ал өзбекстандық көбіне қорғанумен болды. Екінші раунд соңына таман Хамитов қарсыласын тұншықтыру әдісімен жеңді. Айта кетейік, о баста Қуат Акоп Степанянмен (27-12) айқасу керек болған. Алайда ресейлік спортшы қарызына байланысты әуежайдағы тексерістен өте алмай, қалып қойды.