Әйгілі боксшы 50 миллион теңгесінен айырылып қалды

17.12.2024, 07:26 kaz.365info.kz

Ауыр салмақтағы қазақстандық боксшы Иван Дычко бір кездері 50 миллион теңгеге алданып қалған. Бұл туралы табысты спортшы Қанат Исмаиловпен болған подкаст барысында айтты. Оның айтуынша, ол ұйымдастырушыларға алданған. «Бұл менің командам да емес еді, ұйымдастырушы тарап алдап кетті. Өз жекпе-жегімді өткіздім, бірақ ештеңе алмадым. Осындай жағдайлар көп кездеседі. Әр жекпе-жектің өз ерекшелігі бар. Бастапқы бес жекпе-жекке келер болсақ, бір раундқа 1000 доллардан аз табысқа келіспеу керек деп ойлаймын. Бұл кем дегенде жол шығындарын жабуға жеткілікті болуы керек», – деді боксшы. Сонымен қатар ол кәсіби спортпен айналысып, қанша табыс тапқанын жарияға жар салды. «Орташа табысымды нақты айта алмаймын. Кей жекпе-жектерден нөл табыс таптым, ал кейбірінде 20 мың доллар, 50 мың доллар табыс болды. Бірде маған 100 мың доллар (50 миллион теңгеден астам) жалақы уәде етті, бірақ ештеңе алған жоқпын», – деді Иван Дычко.