Шаңғы жарысынан әлем кубогы кезеңіне кімдер қатысады?

31.01.2025, 13:00 sport12.kz

Бүгін, 31 қаңтар, Италияның Конье қаласында шаңғы жарысынан әлем кубогының кезеңі жалауын желбіретеді.

Қазақстан командасының бапкерлік штабы бұл жарысқа екінші және үшінші құрамдағы спортшыларды апарады, өйткені ұлттық құрама көшбасшылары қазіргі уақытта 2025 жылғы Қысқы Азия ойындарына дайындық үстінде. Олар 4 ақпанда Харбинге аттанады.

Италиядағы Әлем кубогы кезеңінде Қазақстан намысын әйелдер арасында Елизавета Толмачева мен Лаура Кинебаева қорғаса, ерлер арасында Ернұр Бексұлтанов, Дидар Қасенов және Сұлтан Базарбеков жарыс жолына шығады.

Дүбірлі дода 2 ақпанға дейін жалғасын табады.