Қазақстандық клубтар УЕФА тарапынан қомақты қаржыға ие болды

23.04.2025, 12:26 sport12.kz

УЕФА халықаралық футболға ойыншыларын жібергені үшін қазақстандық клубтарға 2,3 миллион еуродан астам қаржы төледі, деп хабарлайды Sport12.kz.

УЕФА бағдарламасына сәйкес, 2020-2024 жылдар аралығында халықаралық футболға ойыншыларын жіберген ұйымға мүше 55 елдің барлық 901 клубына жалпы көлемі 233 миллион еуро үлестірілді.

Оның ішінде қазақстандық клубтар аталған соманың 2 308 829 еуросына ие болды. Бұл төлемдер отандық командаларға 2020-2024 жылдар арылығында Еуро-2024 турнирінің іріктеу кезеңі мен Ұлттар лигасына ойыншыларын жібергені үшін берілді. Сонымен қатар, клубтарымыз легионерлері өз құрамасының намысын қорғағаны үшін де қосымша табыс тапты.