Жамбылдықтар күткен қоғамдық көлік әзірге қозғалмайды

18.05.2020, 20:04 aikyn.kz

Елімізде төтенше жағдай режимі аяқталғаннан кейін көпшілік жағымды жаңалықтарға үміт арта бастағаны рас. Ал 18 мамырдан бастап кафе, сұлулық салоны сынды бірқатар нысандардың іске қайта қосылатындығы тіпті жұртшылықтың жанын жадырата түскен. Әсіресе жамбылдықтар біраздан бері тоқтап тұрған қоғамдық көліктер қайта қозғалысын бастайды деп күткен еді. Алайда бүгін атқарушы билік бұқараның үмітін үзді. «Бірқатар облыстарда коронавирустық инфекциялар санының күрт өсуіне байланысты, сондай-ақ аймақтағы қазіргі эпидемиологиялық жағдайды ескере отырып, Жамбыл облысының жедел штабы карантиндік шараларды тек ішінара жеңілдету туралы шешім қабылдады. Атап айтсақ, монша кешендерінен тыс шаштараздар мен