Жапонияда белгісіз ұшатын объектіні видеоға түсіріп алған

18.06.2020, 22:46 kaz.365info.kz

Шар пішіндес белгісіз ұшатын объектіні Жапонияның солтүстік-шығысында видеоға түсіріп алған. Бұл туралы елдің көлік министрлігі мәлімдеді. 17 маусым күні кешке Мияги префектурасының полициясына және оның Сэндай қаласындағы әкімшілік орталығына белгісіз ұшатын объектіге қатысты көптеген ескертпе келіп түскен. Көлік және метеорологиялық басқармасы нысанның өздеріне ешқандай қатысы жоқ екенін мәлімдеді. Көлік және коммуникация министрлігі адамдар көп шоғырланған аудандарда ұшу үшін алдын ала рұқсат алу қажет, алайда оларға ешқандай өтініш түскен жоқ деп мәлімдеді. Сәл кейінірек шар шығысқа теңізге қарай ұшып, көзге көрінбей кетті. Оның құпиясы да анықталмады.