Банктер қашықтан көрсетілетін қызметтер тізімін арттырды

30.09.2020, 15:13 kaz.365info.kz

1 қазаннан бастап Ұлттық банк Қаржылық қызметтерді алу үшін қашықтықтан биометриялық сәйкестендіру сервисін өнеркәсіптік пайдалануға қосады. «Қашықтан биометриялық сәйкестендіруді енгізу әлемдегі күрделі эпидемиологиялық жағдай талаптарына сәйкес келеді, — дейді Ұлттық Банк төрағасының орынбасары Есжан Біртанов. — Қаржы қауымдастығының сервисті пайдалануы қашықтықтан көрсетілетін қызметтер тізімін кеңейтеді». Банктерден басқа, сервис сақтандыру компанияларына, қор нарығының кәсіби қатысушыларына, төлем және микроқаржы ұйымдарына қолжетімді болады. Пилоттық режимде сервис сәуір айында іске қосылды. Содан бері пилоттық жобаға қатысқан 11 банк қашықтан 2,8 млн қызмет көрсетті.