Ұрпаққа жеткен аталы сөз

12.04.2021, 21:10 bilimdiler.kz

Шешендік сөздер Ұрпаққа жеткен аталы сөз Ертеде бір үлкен жиында біреу Өзі жалғыз, кедей, баласыз, жарлы биді менсінбей, мұқатамын деп былай депті: "Жалғыз құсап жалтақтамай, Жарлы құсап жалбақтамай, Құлақсыз құсап шұнтыңдамай, Құйрықсыз құсап құнтыңдамай сөйле," - дегенде. Сонда өзі жалғыз, жарлы, баласыз би: "Жалғыз дегенің Құдайды мінегенің, Жарлы десең Пайғамбарды мінегенің, Құлақсыз болсам, сұңқар шығармын, Құйрықсыз болсам, тұлпар шығармын. Құдайдың маған берейін десе баласы жоқ па? Сенің балаңды алайын десе бәлесі жоқ па? Қой көп тапқанда егіз табады, ит сегіз, доңыз тоғыз табады. Сонда да адалдың (қойдың) тұқымы көп. Адалдық пен Әділдік тозбайды. Арам тәкаппарлар озбайды"- депті. әз