Жапония орбитаға ағаштан жасалған шағын жерсерік ұшырады

20.02.2024, 10:20 ktk.kz

АЗЕРТАДЖ агенттігінің хабарлауынша, LignoSat зондының атауын алған туынды магнолия ағашынан жасалған. Ол Халықаралық ғарыш станциясының (ХҒС) бортында жүргізілген эксперименттер кезінде мұқият тексерілген. Магнолия ағашы ерекше тұрақтылыққа ие және қатты селкілдеуге төзімді. Құрылғы осы жазда іске қосылады деп жоспарланған.

Көлемі кофе шыныаяғындай ғана спутник орбитада бірқатар эксперименттерден өтеді.

– Спутник міндеттерінің бірі – ағаш конструкцияның кеңістіктегі деформациясын өлшеу. Ағаш бір бағытта берік және тұрақты, бірақ басқа бағытта өлшемдік өзгерістерге және жарықшақтарға бейім болуы мүмкін, дейді жоба менеджері Кодзи Мурата.

Зонд ғарышта кемінде алты ай жұмыс істейді және миссия аяқталғанда атмосфераның жоғарғы қабатына қайта кіреді деп жоспарланған.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!