Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Әлемдегі әрбір үшінші интернет қолданушысы - бала

almaty-akshamy.kz

Әлемдегі әрбір үшінші интернет қолданушысы - бала

ЮНИСЕФ-тің балалық шақты қорғау бағдарламаларының жетекшісі Айсұлу Бекмұса балалардың онлайн қауіпсіздігіне байланысты жүргізіліп жатқан жұмыстар туралы баяндады, деп хабарлайды Almaty-akshamy.kz.

Айсұлу Бекмұса Орталық коммуникациялар қызметінде өткен дөңгелек үстел отырысында ЮНИСЕФ ұйымы мен салалық министрлік жүргізген зерттеу нәтижесін жариялады.

«ЮНИСЕФ-тің жаһандық есебінде әлемдегі әрбір үшінші интернет қолданушысы бала делінген. Оқу-ағарту министрлігімен бірлесіп былтыр Қазақстандағы балалардың онлайн-қауіпсіздігі мен тәжірибесі бойынша зерттеу жүргіздік. Нәтижесінде Қазақстанда балалар интернетке бұрын-соңды болмаған жылдамдықпен және ерте жастан қосылатынын анықтадық. Зерттеуге сәйкес, балалардың 45%-ы интернетке 5-8 жасында, ал балалардың 5%-ы одан да ерте - 4 және одан кіші жаста қосылады», - деді спикер.

Айсұлу Бекмұса интернет балалардың дамуына, оларды оқытуға, шығармашылығына, әлеуметтенуіне мүмкіндік беретініне тоқтала келе, тәуекелдерді де ескеру қажет екені айтты.

Оның айтуынша, балалардың 21%-ы құрдастары мен достарының кибербуллингке ұшырағанын көрген. Бірақ олардың жартысы ғана ересектерге интернетте кибербуллингке тап болғандарын айтқан.

«Біз Балалардың құқықтарын қорғау комитетімен бірлесіп балалар үшін қауіпсіз пайдаланушылық интернет қалыптастыруға бағытталған «КиберТұмар» ақпараттық білім беру науқанын бастадық. Сонымен қатар, компания ата-аналарға да арналған: егер бала интернетте қандай да бір қауіп-қатерге тап болса, ата-аналарға арналған негізгі іс-қимыл алгоритмдері ұсынылады», - деді ЮНИСЕФ өкілі.

  • Соңғы
Басқа жаңалықтар

Күнделікті жаңалықтар

Бүгін,
24 сәуір 2024