Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

СҚО-да жаңа оқу жылынан бастап бастауыш сынып оқушылары тегін тамақтанады

inform.kz

СҚО-да жаңа оқу жылынан бастап бастауыш сынып оқушылары тегін тамақтанады

Бұл жайында СҚО әкімі Айдарбек Сапаров әлеуметтік желідегі парақшасында жазды. «Оқушылар мен олардың ата-аналары үшін жақсы жаңалықпен бөліскім келеді. Жаңа оқу жылынан бастап 1-4 сынып оқушылары тегін ыстық тамақпен қамтамасыз етіледі. Осылайша, Петропавл қаласы мен облыстың барлық аудандарының бастауыш сынып оқушылары қамтылады. Осының арқасында ата-аналар отбасы бюджетін үнемдей алады. Қазір облыста аз қамтылған және көп балалы отбасылардың балалары тегін ыстық тамақпен қамтылғанын атап өткім келеді», - деп жазды Айдарбек Сапаров. Қазіргі уақытта мектеп асханаларында түскі астың бағасы – 500 теңге. Алайда, оны күнделікті беруге әр ата-ананың қалтасы көтере бермейді. Петропавлдық кәсіпкер Нұрлан Тілемісовтың айтуынша, балаларға ыстық тамақты тегін қылу – керемет бастама. «Мен Петропавлдағы екі мектептің оқушыларын тамақтандырамын. Кейбір ата-аналар үшін балаларына түскі асты алып беру қымбат болғандықтан, мұндай оқушылар кондитер өнімдерін сатып алып, денсаулығына зиян келтіреді. Қазіргі уақытта №6 мектеп бойынша бастауыш сынып оқушыларының 90%-ы, ал №2 мектеп бойынша 30%-ы ғана күнделікті асханадан ыстық тамақ алып ішеді», - дейді ол. Айта кетсек, облыста бүгінде 72 мыңнан астам оқушы бар. Оның 31 180-і – бастауыш сыныпта оқиды.
  • Соңғы
Басқа жаңалықтар

Күнделікті жаңалықтар

Бүгін,
13 маусым 2024