Алматы қаласында ауа сапасы нашарлайды

03.12.2021, 02:25 inform.kz

НҰР-СҰЛТАН. ҚазАқпарат – «Қазгидромет» РМК 3 желтоқсанда еліміз қалаларында қалыптасатын метеорологиялық ахуал туралы мәлімет ұсынды, деп хабарлайды ҚазАқпарат. Синоптиктер мәліметінше, жұма күні ауа сапасы Алматы қаласында нашарлайды. Өзге шаһарларда метеожағдай норма шегінде болады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.