Ертіс өңірінің жас ғалымдары антисептик өндірісін іске қосты

10.06.2020, 09:48 khabar.kz

Осы қауіпті вирус таралып жатқан шақта ғалымдар қарап қалмай, шама-шарқынша қолдан келгенді қарманып жатыр. Мысалы Сұлтанмахмұт Торайғыров атындағы Павлодар мемлекеттік университетінің жас ғалымдары пандемия кезінде залалсыздандыру құралдарына тапшылық болған сәтте қарап қалмады. Бүгінде олар шағын өндірісті қолға алып, ЖОО өніммен қамтыды. Антисептикті әзірлеуде қолданылатын негізгі компонент ретінде сот шешімімен тәркіленген спиртті қолданған. Жастардың тағы бір тобы антибактериалды жарықшам жасап, құрылғыны нарыққа шығарған. Жас ғалымдар антисептиктердің алғашқы партиясын осы зертханада жасады. Өнімді әзірлеу үшін заңсыз сатылымнан алынған және жойылуы тиіс спирт кәдеге жарады. Мәдениет