ШҚО-да 90 мыңға жуық адам 42500 теңге алды

29.07.2020, 17:16 dalanews.kz

Шығыс Қазақстан облысындағы 19 қала мен ауданда әлеуметтік төлемдерді тағайындауға байланысты туындаған мәселелерді шешу мақсатында құрылған жедел штаб жұмыс істеуде. Штаб мүшелері демалыс күндері де еңбек етуде. Бұл туралы ШҚО ақпараттық орталығында өткен брифинг барысында жұмыспен қамту және әлеуметтік бағдарламаларды үйлестіру басқармасы басшысының орынбасары Досхан Қайырғазинов мәлім етті. – Күні бүгінге дейін штабтағылар 20 мыңнан астам азаматтың өтінішін қарастырды. Оның ішінде 15,6 мың адамның өтінімі мақұлданды, – деді Досхан Қайырғазинов. Шығыс Қазақстан облысында 89,8 мың азаматқа әлеуметтік төлем тағайындалды. Олардың дені қаражатты екінші деңгейлі банктерден немесе «Қазпошта» А