Жылжымайтын мүлік нарығы триллион табыс тапты. Ақша қайдан келді?

11.01.2021, 10:32 kaz.365info.kz

Жылжымайтын мүлік нарығы өз айналымын 1 трлн теңгеге дейін арттырды. Бұл – Қазақстан үшін рекордтық өсім. Бірақ сарапшылар қорытынды жасауға асықпауға және коронавирустың қалай әсер ететінін жіті бақылауға кеңес береді. Қазақстан қаржыгерлер қауымдастығының жетекші талдаушысы Рамазан Досов бұл өсімнің себебін түсіндірді: “Бұл Нұр-сұлтан және Алматы қалаларында жаңа сауда алаңдарын, элиталық қонақ үй желілерін пайдалануға беруге, сондай-ақ қолданыстағы тарифтердің өсуіне байланысты”, – деп атап өтті сарапшы. Сонымен бірге елдегі осы екі ірі қала жылжымайтын мүлік операциялар саласында көрсетілетін қызметтер көлемінің барлық өсімін құрайды. Орта мерзімді перспективада мұндай өсу мүмкін емес.