Қазақстанда жеңілдетілген автонесиеге өтініш беру өзгеруі мүмкін

almaty-akshamy.kz

Қазақстанда жеңілдетілген автонесиеге өтініш беру өзгеруі мүмкін

24 қаңтарда Индустрия және инфрақұрылымдық даму министрі Марат Қарабаев Үкімет отырысында Қазақстанда жеңілдетілген автонесие беру тетігін қайта қарау жоспары туралы айтты, деп хабарлайды Almaty-akshamy.kz

Марат Қарабаев жеңілдетілген автокөлік несиесі үшін берілетін несие сомасы 10 миллион теңгеге дейін, ал көлік құны 15 миллион теңгеден аспауы керектігін еске салды. Оның айтуынша, мұндай параметрлер бағдарлама халықтың көпшілігіне қолжетімді болуы үшін жасалған.

«Айдың соңына дейін бағдарламаны іске қосуға тырысамыз» деп айтып жатырмыз», - деді Марат Қарабаев.

Оның айтуынша, осы аптада Индустриялық даму қоры брифинг өткізіп, одан кейін мерзімдері мен шарттары белгілі болады.

«Бұл жерде мәселе тұтастай алғанда бағдарламаның механизмін қайта қарау туралы болып отыр, егер бұған дейін олар автосалондарға жүгініп, содан кейін ғана банкке барса, енді «Индустриялық даму қоры» АҚ басқа механизмді ұсынады: алдымен өтініш беру үшін қорға электронды кезек пайда болады, содан кейін автосалондар өздерімен келісілген белгілі бір мерзімде автокөлікті бере алады», деді ҚР Индустрия және индустриялық-инновациялық даму министрлігінің басшысы.

Бұл ретте ол тек Қазақстанда ғана емес, әлемнің көптеген елдерінде адамдар көлікті ұзақ күту мәселесімен бетпе-бет келетінін айтты.

2022 жылдың мамыр айында бағдарламаға 100 млрд теңге бөлінді. 1 желтоқсандағы жағдай бойынша, бұл ақшаға 14 мыңнан астам несие мақұлданды, оның ішінде 12 500-ден астам жаңа автокөліктер шығарылды. Автонесиенің орташа мөлшері 7,8 млн теңгені құрады.

2022 жылдың соңында жеңілдетілген автонесиелерді 2023 жылдың қаңтарында іске қосу жоспары жарияланды.

  • Соңғы
Басқа жаңалықтар

Күнделікті жаңалықтар

Бүгін,
3 ақпан 2023