Жанар-жағармайды шекарадан шығаруға қойылған шектеу тағы 6 айға ұзармақ

31.05.2023, 10:05 ktk.kz

Бұл туралы ҚР Энергетика министрлігінің «Ашық НҚА» порталында жарияланған «Қазақстан Республикасы аумағынан мұнай өнімдерін әкетудің кейбір мәселелері туралы» бірлескен бұйрығының жобасында жазылған.

Құжатта бензиндерді, дизель отынын және мұнай өнімдерінің жекелеген түрлерін Қазақстан Республикасының аумағынан көлік құралдарын дайындаушы зауыттың стандарттарына сәйкес келмейтін бензин бактарында (яғни, қосымша орнатылған - ред.) әкетуге алты ай мерзімге тыйым салынаты жазылған.

Авиациялық отын үлгілеріне (сынамаларына) және көлемі көрсетілген хат болған жағдайда өнеркәсіптік өндіріске қою, оны өнеркәсіптік өндірудің технологиясын бекіту мақсатында ғылыми-зерттеу жұмыстарын жүргізу үшін авиациялық отынды шығаруға шектеу қойылмайды.

Бұған дейін жанармай сатылымын шектеу немесе жасырып қою мәселесі Үкіметте талқыланған болатын.

Айта кетейік, бұндай шектеу алғаш рет биыл ақпан айының басында 4 ай мерзіммен қолданысқа енген болатын.

Дереккөз: ҚазАқпарат

Бізді Youtubе-та қараңыз!Бізді Facebook-та, Instagram-да, Telegram-да оқыңыз!