Су басқан Құлсары қаласының кейбір бөлігі газдан ажыратылған

10.04.2024, 09:39 ktk.kz

Жылыой аудандық әкімдігінің ақпаратына сүйенсек, бірнеше шағын ауданда газ беру тоқтатылған.

«Құлсары қаласындағы «Атырау», «Автожолшылар», «Достық» шағын аудандары мен 2-ауыл, музей маңындағы 3 қабатты 5 үй газдан ажыратылды. Ал, жер астындағы газ құбыры зақымдалып, су кіргендіктен 4 және 6-ауылдағы тұрғын үйлердің жартысына газ қосу мүмкін болмай тұр», - деп хабарлады аудандық әкімдіктен.

Құлсары қаласының басқа аумақтарында, аудандағы барлық елді мекендерде газ штаттық режимде беріліп тұр, деп жазады kazinform.

Қазір «Жылыойгаз» ЖШС-нің мамандары кесілген газ желілерін қалпына келтіру жұмысын жүргізуді жоспарлап отыр.

Бізді Youtubе-та қараңыз!Бізді Facebook-та, Instagram-да, Telegram-да оқыңыз!