Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Таразда 31 жаңа автобус пайдалануға берілді

zhambylnews.kz

Таразда 31 жаңа автобус пайдалануға берілді

Бүгінде Тараз қаласының аумағы кеңейіп, халық саны артып келеді. Соған орай қоғамдық көліктерге деген қажеттілік те көбеюде. Қаланы өркендетуге арналған үш жылдық Даму жоспарында бұған баса мән берілген. Жамбыл облысының әкімі Ербол Қарашөкеев те бұл мәселеге ерекше ден қойып, нақты тапсырмалар жүктеген болатын. Соның нәтижесінде бұл бағытта шаһарда атқарылып жатқан ауқымды жұмыстар көңіл қуантады.Айталық, бүгін 31 автобус ел игілігіне берілді. Шараға Тараз қаласының әкімі Бақытжан Орынбеков арнайы қатысып, автобус кілттерін салтанатты түрде табыстады.«Автобусный парк-2020» ЖШС тарапынан жеткізілген қоғамдық көліктердің жалпы сыйымдылығы 70 адамды құрайды. Бұл автобустардың 12 бірлігі «Саяхат-99» ЖШС қызмет көрсететін №34 маршруттағы ескірген автобустарды алмастырса, қалған 19 бірлігі тасымалдаушы мекеме қызмет көрсететін бағыттардағы кесте санын арттыруға және №54 маршруттағы автобустарды алмастыруға берілетін болады.Жалпы, қазіргі таңда Тараз қаласында жолаушылар көлігі тасымалын жандандыру, жетілдіру және тұрғындарды қоғамдық көлікпен толық қамтамасыз ету мақсатында 2023-2025 жылдарға арналған іс-шаралар жоспары әзірленді. Соған сәйкес, биыл қалаға 70 бірлік автобус жеткізу жоспарлануда.Бүгінгі күнге дейін оның 55-і қолданысқа берілді. Ал былтыр шаһар тұрғындары 73 жаңа автобуспен қамтамасыз етілген еді. Бұл бағыттағы жұмыстар алдағы уақытта да өз жалғасын табады.

  • Соңғы
Басқа жаңалықтар

Күнделікті жаңалықтар

Бүгін,
22 мамыр 2024