Танымал актердің мәйіті өз үйінен табылды

16.01.2020, 06:10 ktk.kz

Америкалық актер, сценарист әрі режиссер Стэн Кирш Лос-Анджелестегі үйінен өлі күйінде табылды. Алдын-ала болжам бойынша, ер адам өз-өзіне қол жұмсаған. Актердің қайтыс болғаны туралы ақпаратты оның жары Кристин Грин растады. «Қымбатты достар, біз Стэн Киршті 11 қаңтарда қайғылы жағдайда жоғалтып алдық. Осындай қиын-қыстау кезеңде бізге түсіністік танытып, құрметтегендеріңіз үшін рақмет», - деп жазды жары актердің facebook парақшасында. Актер Нью-Йоркте дүниеге келген. Төрт жасынан бастап телевизиялық жарнамаларға түскен. Ол 52 жасында қайтыс болды.