Атырауда бес қабатты үй отқа оранды

16.02.2020, 08:41 ktk.kz

Полиция қызметкерлері үйді қоршауға алды. Атырауда бес қабатты үйден өрт шықты. Төтенше жағдайлар комитетінің хабарлауынша, 15 ақпанда сағат 17:22-де Өтемісов көшесіндегі бес қабатты үй өртеніп жатқаны туралы хабар түскен. Өрт сөндірушілер жеткен кезде үйдің шатыры толық жанып жатқан. Мамандар бірден 30 тұрғынды қауіпсіз жерге көшіреді. "Сағат 19:18-де 600 шаршы метр аумақтағы өрт ауыздықталды. 19:28-де өрт сөндірілді", - деп хабарлады комитеттің баспасөз қызметі. Қаза болғандар мен зардап шеккендер жоқ. Өртті сөндіруге 35 адам мен 8 техника жұмылдырылды. Полиция қызметкерлері үйдің аумағын қоршауға алды.